東網電視
更多新聞短片
徐宏傑（左二）頂入後興奮慶祝。（鄧文滔攝）
1/4
東亞足球錦標賽外圍賽周六（14日）港隊第2場分組賽於旺角大球場上演，最後港隊以2比1擊敗中華台北，射入「絕殺球」的後衞徐宏傑賽後接受訪問，對於助港隊殺入決賽感到高興，又希望藉此留下好印象予新教練。
今場尾段徐宏傑接應角球頂入，兼錄得其個人首個國際賽入球，成為港隊晉級功臣，「傑仔」賽後表示感開心又榮幸：「始終成場波都比較膠著，對手畀到好大壓力我哋，喺尾段入波幫到港隊晉級，仲喺自己第一個國際賽嘅入球。」港隊決賽將會面對關島，「傑仔」又強調球隊絕不會掉以輕心：「我哋好想贏埋最尾場決賽出線『東亞外』，所以要把握呢兩三日時間好好恢復，專注去準備下一場。」
與徐宏傑於中超球隊雲南玉昆一同合作的前港足主帥安達臣，是日亦有入場觀戰，對於在「安帥」面前入球，「傑仔」則稱自己只是做好本分：「冇乜特別嘅，喺佢（安達臣）面前入波，但都希望畀佢睇到自己呢方面嘅強項，依家最緊要都係專注香港隊比賽先。」
今場「傑仔」由右閘改踢左閘，他表示正適應當中，盼爭取更多上陣機會：「我本身唔係順左腳，今日踢左邊會有啲困難，不過自己強項都係防守方面，要用其他方法去適應，可能帶啲空位再喺右腳畀。無論喺訓練又或有機會落場，我會喺能力範圍之內盡力發揮得最好，希望留到啲印象畀新教練。」
港隊晉級功臣徐宏傑錄得其個人首個國際賽入球。（鄧文滔攝）
徐宏傑尾段接應角球頂入。（文嘉靖攝）
「傑仔」派心。（鄧文滔攝）
