外流港將　徐宏傑榮升人夫迎接新一年

2024年，對徐宏傑而言，絕對是豐收年！先後奪得港超聯和中甲冠軍，再協助港隊取得「東亞盃」決賽周入場券的他，將於周一(30日)與拍拖6年的女朋友Pamela成婚，榮升人夫，迎接新一年。

去年7月求婚成功的「傑仔」，周一便與Pamela攜手步向人生新階段，並會於東涌的一間酒店擺設婚宴。不過，由於「傑仔」下月5日便要歸隊向雲南玉昆報到，為升上中超的第一個球季做準備，一對新人的蜜月旅行將要後補，可有擔心「準徐太」嬲嬲？「我哋都未諗幾時補番蜜月，睇吓嚟緊會唔會有長假期，如果唔係就等下年球季完咗去囉。佢好明白事理，唔會因為咁嬲嘅。」「傑仔」表示Pamela因要照顧狗狗的關係，暫時不會隨他到國內生活，但會定期北上探望他。

「傑仔」因傷關係，上季並未有為雲南玉昆上陣太多，故新一年他訂立了十分鮮明的目標：「希望可以多啲上陣時間，甚至爭到正選位。球隊升班之後應該會有好多新球員加入，相信競爭會好大，但我會畀心機。」