一個「耶穌」都唔夠　阿仙奴想再簽多個？

阿仙奴近期鋒線出現嚴重傷病問題，全靠回勇嘅「耶穌」加比爾捷西斯(Gabriel Jesus)頂住，據報佢哋想喺冬季轉會窗買人，而且目標竟然又係叫「耶穌」，講緊係保地花高前鋒伊高捷西斯(Igor Jesus)。

據巴西媒體《RTI Esporte》報道，阿仙奴嘅主要目標好似阿歷山大伊沙克、施斯高等，1月份都難以轉會，所以佢哋想搵短期目標，早前向保地花高提出借用伊高捷西斯，但已被該巴西勁旅拒絕。

23歲嘅伊高捷西斯上年由艾沙比回流巴甲，立即協助保地花高贏巴甲冠軍，上年10月仲入埋巴西國家隊。雖然保地花高拒絕外借，但就唔抗拒直接賣走，消息指阿仙奴只要出1,700萬鎊（1.64億港元）就可以要人。