東網電視
更多新聞短片
基爾獲加去意已決。(Getty Images)
曼城領隊哥迪奧拿日前證實，基爾獲加已向球會提出轉會要求。英國《太陽報》爆料，基爾獲加正同意甲勁旅國際米蘭斟介，有望先以借用身份加盟，而基爾獲加突然要求離隊，據聞係想挽救瀕臨玩完嘅婚姻。
據報基爾獲加收到沙特球會同米蘭雙雄聘約，不過基爾獲加仍然希望代表英格蘭出戰明年世界盃，所以拒絕沙特高價聘約，目標係留喺歐洲頂級聯賽，消息人士透露：「轉會斟介進展得好快，外借去國米可以畀佢有個新開始，佢場外嘅麻煩係眾所周知，基爾獲加需要片刻寧靜，喺英超佢得唔到。」
基爾獲加早前被爆背住老婆Annie Kilner偷食兼有私生子，呢位34歲球星認錯後，希望挽救呢段婚姻，離開英格蘭展開新生活就係最後機會，消息指Annie Kilner都同意呢個做法，而且會帶埋4個仔女一齊去意大利居住。
