東網電視
更多新聞短片
蘇斯克查出山。(Getty Images)
前曼聯主帥蘇斯克查早前雖然錯過接手狼隊，但唔緊要，據報佢落實出山，土超豪門比錫達斯於周五(17日)官宣，蘇斯克查出任主教練，到時蘇B將會同另一前曼聯主帥、費倫巴治主帥摩連奴拗手瓜。
傳媒報道，比錫達斯早前已同蘇斯克查達成口頭協議，合約為期1年半至2026年6月，雙方並於周五簽約作實，由比錫達斯正式宣布蘇斯克查加盟。
蘇斯克查係傳奇領隊費格遜退休後執教曼聯時間最長領隊，2021年11月被炒後一直無官一身輕，雖然經常傳佢出山，最近一次係接手狼隊，但最終唔成事。
比錫達斯排土超第6，蘇斯克查任務艱巨，而土超仲有另一位曼聯前主帥摩連奴，現正執教費倫巴治，兩位前曼聯主帥，將有機會在土超較量。
