東網電視
更多新聞短片

大埔足球會領隊兼副主席葉志雄(右二)賽後回應球迷。(文嘉靖攝)
1/2
周六(18日)「中銀人壽香港超級聯賽」頭場,大埔以2比1擊敗主隊北區,賽事期間大埔球迷於看台呼叫口號,據悉與大埔最近疑似更改隊名有關,賽後大埔足球會領隊兼副主席葉志雄回應傳聞,稱目前未正式向足總提出申請,但承認管理層有意為球隊改名。
周一(13日)大埔球迷組織「12th綠戰士」於社交平台發文,表示收到消息,指大埔足球會已向香港足球總會遞交更改參賽名稱申請為「大埔追夢隊」,對此表示強烈不滿,並要求球隊撒回申請。大埔球迷今場於看台呼叫口號抗議,大呼更改隊名「破壞球會傳統」,賽後領隊兼副主席葉志雄承認管理層有意為球隊改名,但仍在構思階段,又解釋於官方fb發文稱呼球隊為「大埔追夢隊」的原因:「改名嘅決定唔存在任何商業成分,其實球隊理念就係畀年青人追求夢想,所以先有幫一隊改名嘅諗法,絕對唔係話要去破壞傳統,我哋亦都唔會喺宣傳方面抹走大埔元素,希望球迷慢慢理解。」葉志雄又稱目前未正式向足總申請及落實新隊名,但未透露入紙時間:「我諗要視乎內部管理部門進度情況而定,其實我哋提議咗,就交畀佢哋處理,如果日後確認咗新名就會同大家公布。」
對於球迷今場停止打氣以表不滿,而主教練李志堅就表示目前聯賽競爭情況激烈,希望球迷將焦點集中於賽場表現上:「希望球迷以大局為重,相信球迷都愛惜大埔呢對球隊,而家每場都比較難打,咁激烈嘅情況底下,希望大家喺球場上面搵到好嘅方法去支持球隊。」

大埔球迷今場於看台呼叫口號,不滿管理層更改隊名。(文嘉靖攝)