東網電視
更多新聞短片
艾雲費格遜曾經被譽為「新哈利卡尼」。(Getty Images)
阿仙奴2位前鋒布卡約沙卡、加比爾捷西斯受傷後，領隊阿迪達打算向白禮頓借用20歲射手艾雲費格遜。不過，兵工廠今季已用晒2位英超球員借用名額，會方準備放走門將尼圖，以便完成交易。
艾雲費格遜未滿17歲就為白禮頓一隊上陣，並喺2022/23年球季英超上陣19場入6球，被譽為「新哈利卡尼」，引起包括阿仙奴在內各大豪門關注。不過，呢位愛爾蘭國腳上季英超27次披甲入6球，冇乜進步，今季12次上陣僅入1球，被網民寸早熟早殘。
由於艾雲費格遜人氣急跌，冇之前咁搶手，阿迪達想趁機簽入佢，計劃先借用半季，如果艾雲費格遜表現合乎要求，再買斷佢。
根據英超規定，每間球會1季只可以向其他英超球會借用2位球員，阿仙奴今季已借用車路士翼鋒史達寧及般尼茅夫門將尼圖，權衡輕重後，相信兵工廠會「犧牲」尼圖，然後借用艾雲費格遜。
