東網電視
更多新聞短片
伊沙克已躋身歐洲頂尖前鋒行列。(Getty Images)
英超金靴爭逐非常激烈，紐卡素周六(25日)作客3比1擊敗修咸頓，瑞典前鋒阿歷山大伊沙克又入2球，今季累積第17球，追貼今輪同樣有波入嘅艾寧夏蘭特(18球)同穆罕默德沙拿(19球)，神射手有惡鬥！
紐卡素今場10分鐘意外先落後，不過伊沙克22分鐘博到12碼後親自射入追平，相隔4分鐘再單刀乖巧射手，半場反超前2比1。換邊後辛度東拿利為紐卡素鎖定3比1勝局，目前排喺聯賽第5位。
伊沙克再入波後，成為紐卡素史上首個喺英超連續5場作客入波球員，佢喺射手榜只落後艾寧夏蘭特同穆罕默德沙拿1球同2球，3大射手有排鬥。
紐卡素領隊艾迪侯域賽後表示：「好開心伊沙克又入波，佢係今場勝仗嘅導演，佢將球隊連結一齊，又做到入波嘅任務，我為伊沙克同紐卡素覺得光榮。」
