東網電視
更多新聞短片
查奧拿成為悲情男主角。
周四(30日)凌晨歐聯出現罕見一幕，荷蘭勁旅飛燕諾作客1比6慘敗里爾腳下，當中3個失波係「送禮」，中堅查奧拿上演擺老烏梅開二度，創造歐聯「黑仔」紀錄。
飛燕諾同里爾早段各入1球難分難解，38分鐘查奧拿將里爾嘅傳中閂入自己龍門。客隊下半場兵敗如山倒，被里爾連轟5球，其中查奧拿76分鐘再一次心急攔截，將個波踢入自己大門。
Opta數據顯示，查奧拿成為歐聯史上首個單場2度擺烏龍球員。事實上，里爾第3個入波亦係省中飛燕諾球員改變方面入網，最初判大衞漢斯高擺烏龍，歐洲足協事後改判安祖高美斯入波，令飛燕諾唔使成為歐聯第1次單場「烏龍戴帽」球隊。
慶幸嘅係，飛燕諾仍然可以踢附加賽，而里爾大勝後更躋身前8名，直接晉級16強。
