【歐霸】狂野進攻 熱刺大盤招財進「堡」

新聞觀看次數:4.1k
香港時間
01月30日(四) 20:00
東網電視
更多新聞短片
1/2
歐霸盃聯賽階段決定性嘅最後一輪,英超勁旅熱刺主場迎戰瑞典球會艾夫斯堡,兩軍都好擅長主攻,肯定踢得燦爛。熱刺目前有14分排第6位,但今場必定要贏波,先至可以確保前8名直接出線資格,主場出擊必定全力進攻,3.5球入球大玩得過。(Now 638周五凌晨4時直播)
熱刺領隊普斯迪高路採用「喪攻」踢法,球迷已經習以為常,特別係古里莫維卡里奧、烏杜治、賓戴維斯等多位守將長期養傷,最近復操嘅雲迪雲同基斯甸羅美路上陣成疑,就連今個月新簽嘅捷克門神堅斯基都唔附合上陣資格,今仗要用3號門將把關,後防捉襟見肘下只能進一步以攻代守。
熱刺勝在攻得夠狂野,一眾攻擊球員有大量發揮空間,南韓射手孫興民近期狀態回勇,近3場攻入3球,加上瑞典「發電機」古路施夫斯基領軍,球隊火力好有保證。睇番熱刺對上4場歐霸賽事,有3場總入球開4球或以上。
艾夫斯堡近2場歐霸全取6分後,目前排喺第20位,需要搶分鎖定附加賽資格。呢支瑞超勁旅勇於進攻,就算作客亦唔會死守,今屆作客就曾經2比3不敵阿爾克馬爾、3比4飲恨加拉塔沙雷,輸波都唔會輸氣勢,今場面對防守不濟嘅熱刺,肯定會嘗試進攻,3.5球入球大穩開。
更多賠率:
感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。