東網電視
更多新聞短片
沙治奧拉莫斯「失業」半年後，終於有着落。(Getty Images)
西班牙中堅沙治奧拉莫斯「失業」半年之後，終於有着落，加盟墨西哥球隊蒙特雷，簽約1年，將會同前皇馬隊友簡拿尼斯再次合作。
現年38歲嘅沙治奧拉莫斯上季結束後離開西維爾，一直未有球會收留，最終離開歐洲球壇，現時登陸墨超，獲蒙特雷開出1年合約，年薪達到400萬美元(約3,100萬港元)，成為墨超最高薪球員之一。
沙治奧拉莫斯將會着93號球衣，佢之所以揀呢個冧巴，主因係紀念自己喺2014年歐聯決賽，補時3分鐘入波，協助皇馬逼和馬體會1比1，並喺加時反勝捧盃。
沙治奧拉莫斯加盟蒙特雷後，將遇上多位熟人，隊內除咗有前皇馬隊友簡拿尼斯之外，仲有2位前西維爾隊友奧甘波斯、奧利華托利斯，教練迪米捷利斯曾於西甲搵食多年。另1位前皇馬球星占士洛迪古斯早前亦加盟墨超球隊利昂。
