東網電視
更多新聞短片
加拿祖私人健身房。
1/2
曼聯球星阿歷真度加拿祖，係少數有幸同C朗拿度、美斯做過隊友嘅「幸運兒」，雖然佢過去多次表現出對C朗嘅崇拜，不過佢日前公開自己屋企嘅私人Gym房，入面就有齊C朗同美斯嘅巨型畫像，話畀人知兩大球王一樣咁鍾意。
加拿祖喺曼聯同C朗做過隊友，喺阿根廷國家隊就同美斯共事，佢日前喺IG公開自己間私家Gym，入面牆壁除咗有自己嘅肖像外，兩邊分別係C朗同美斯畫像，認真識做！事實上，加拿度對冠軍級運動員情有獨鍾，因為Gym房另一面牆，亦有「波神」米高佐敦同「拳王」阿里畫像，激勵自己要努力練習。
加拿祖今季為曼聯上陣36場，不過表現麻麻，上月一度盛傳會被賣去拿玻里，最後因為人工傾唔掂先至告吹，如果下半季表現未有改善，佢嘅「紅魔生涯」可能已進入倒數。
加拿祖私人健身房。
