東網電視
更多新聞短片
拉舒福特將為阿士東維拉出戰歐聯淘汰賽。(Getty Images)
阿士東維拉公布參加歐聯淘汰賽大軍名單，3位以借用形式加盟嘅球員拉舒福特、馬高阿辛斯奧、阿素迪沙斯都有份入選，正式向多蒙特收購嘅前鋒唐耶爾馬倫，反而名落孫山，真係同人唔同命。
根據歐聯規例，進入淘汰賽之後，每隊可以調整3個球員名額，維拉主帥艾美利話：「我哋冬季簽入5位球員，但規則所限，只能為3人註冊踢歐聯，逼不得已放棄唐耶爾馬倫、安達斯加西亞，呢個係困難決定，我已經同佢哋解釋原因。」
荷蘭國腳唐耶爾馬倫身價達2,100萬鎊(約2億港元)，至於由利雲特來投嘅22歲西班牙右翼衞安達斯加西亞，轉會費為600萬鎊(約5,800萬港元)，艾美利唔揀呢2位用真金白銀買嘅球員踢歐聯，反而揀晒3位借用兵，似乎佢都係比較崇高名牌「球星」。
