東網電視
更多新聞短片
英足盃第4圈，奧連特主場對曼城。
1/2
英格蘭足總盃第4圈，曼城作客甲組仔奧連特。曼城上場大敗1比5畀阿仙奴，下周歐聯附加賽又要鬥皇馬，今場係最佳「過冷河」場合，佢哋近年足總盃鬥低組別球隊，即使出副選都會大炒對手，今場更加需要一場大勝壯行色，3.5球入球大必捧。（Now 651周六晚8時15分直播）
呢場波點投注，就睇吓大家點樣代入去曼城領隊哥迪奧拿同班球員去諗，上場咁樣輸畀阿仙奴，畀着你作為打工仔，今場唔搏命真係聽炒。加上曼城過去17次喺足總盃對低組別球隊，累積射入67球失8球，單計最近4次鬥非英超兵，就有3次開4球或以上，包括上輪大炒沙福特城8比0，入球大放心捧場啦。
順便講多場心水，愛華頓對般尼茅夫，「拖肥糖」專心護級，加上近3次鬥般茅輸晒，般茅讓平半好路。（Now 651周六晚11時直播）
更多賠率：
