東網電視
更多新聞短片
高路梅安尼表現令人眼前一亮。(Getty Images)
祖雲達斯喺冬季轉會窗「執到寶」，向巴黎聖日耳門（PSG）借用法國前鋒高路梅安尼，結果呢位26歲球星頭3次上陣就入5球，成為自1990年嘅巴治奧之後，首個為祖記踢頭3場聯賽都有入波球員。據《都靈體育報》報道，祖記已極速扑錘，正式向PSG要求買斷高路梅安尼。
祖記今次借用高路梅安尼半季，合約未包含任何買斷條款，所以祖記需要同PSG重新斟介，不過隨住PSG同教練安歷基續約，同安歷基不和嘅高路梅安尼被賣走機會大增，問題係佢依家表現出色，轉會費亦會相當「可觀」。
《都靈體育報》報道，PSG兩年前用8,500萬歐元買入高路梅安尼，依家就算「蝕讓」，轉會費亦高達7,000萬歐元，不過祖雲達斯仍然志在必得，計劃放走杜辛華荷域同安達亞甘比亞素「籌旗」搶人。教練莫達亦期待長期合作：「高路梅安尼加盟冇耐，入球同助攻只係佢比賽嘅一部份，佢嘅實力可以踢得更好。」
