東網電視
更多新聞短片
拜仁慕尼黑幸運執番1分。(Getty Images)
周日(16日)凌晨德甲榜首大戰，拜仁慕尼黑作客利華古遜罕見大踢「擦鞋仔波」，全場0次攻門中龍之下，成功0比0悶和爭標大敵，繼續喺榜首保持8分優勢，重奪德甲冠軍機會樂觀。
拜仁今場以唔輸為目標，作客被利華古遜帶住嚟踢，全場只得2次攻門，1次唔中龍同1次被閂，係拜仁近17年來首次喺德甲「0中龍」。若非門柱門楣打救，加上伊藤洋輝護空門，拜仁連1分都保唔住。
拜仁教練高柏尼賽後為「擦鞋仔波」解釋：「我哋當然想控制球權，但利華古遜嘅壓逼令我哋要退守，不過就算要守都難唔到我哋。拜仁領先8分唔係偶然，我哋今季各項賽事已入超過100球。」
拜仁總監艾保爾亦表示：「我哋唔係為0比0而戰，呢個唔符合拜仁嘅DNA，我哋想踢出自己風格，不過利華古遜好出色，我哋贏出對抗拎到1分，聯賽形勢相當唔錯。」
