東網電視
更多新聞短片
PSG輕鬆晉級16強。
法甲豪門巴黎聖日耳門(PSG)，周四(20日)凌晨喺歐聯附加賽大開殺戒，主場以7比0狂數同屬法甲嘅比斯特，兩回合合計狂勝10比0晉級。PSG依家係「先甜後苦」，事關佢哋16強將會面對利物浦或者巴塞隆拿，想入8強難度極高。
PSG首回合領先3比0，今場當練波咁踢，上半場由巴特利巴高拿同基華拉斯基利亞入波領先2比0，下半場PSG再開殺戒，域天拿、杜斯亞杜伊、紐奴文迪斯、干卡路拉莫斯同辛尼馬約魯各入1球，湊成7比0大勝，亦創下PSG歷來歐聯最大勝仗紀錄。
PSG喺16強會面對利物浦或巴塞隆拿，教練安歷基表示：「有啲唔公平，我諗冇其他球隊會面臨更困難嘅對手，PSG本應係頭8名，但我哋走咗更遠嘅路，呢段經歷會令球隊更好咁準備未來嘅挑戰。今場有7個唔同球員入波，證明PSG係一個好強嘅團隊。」
