東網電視
更多新聞短片
阿拿奧杜域射術非凡。(Getty Images)
周三(26日)凌晨意盃8強大戰，國際米蘭雖然收起多名主力，仍然可以喺主場2比0擊退拉素，4強將會同AC米蘭爭逐決賽席位。奧地利前鋒阿拿奧杜域今場轟入精彩窩利，係國米晉級最大功臣。
國米今場進行輪換，早段被拉素反擊為主，不過35歲老將阿拿奧杜域挺身而出，趁對手角球解圍不遠，禁區頂窩利轟入世界波！國米領先後愈踢愈好，下半場再由查漢奴古射入12碼鎖定勝局。
國米教練施蒙尼恩沙基賽後表示：「我哋賽前角球練習已經準備好，如果拉素擺高大後衞，佢就走出禁區外搵機會，我哋知道佢嘅射術有幾勁！」
國米周日(2日)凌晨會喺意甲榜首大戰作客拿玻里，不過守將達美安今場拉傷大腿筋離場，多數會缺席呢場大戰。
