東網電視
更多新聞短片
C朗同沙迪奧文尼慶祝入波。
葡萄牙球星C朗拿度向住生涯1,000球目標進發，不過周三(26日)凌晨沙職賽事，又有入波嘅C朗就選擇維護陷入球荒嘅隊友，主動讓出12碼畀沙迪奧文尼主射，盡顯大將之風。
艾納斯今場作客艾維達，C朗喺48分鐘頭槌打破僵局，拎到生涯第927個入球，呢位40老將完場前罰球博到對方手球輸12碼，不過C朗放棄入波機會，主動叫沙迪奧文尼操刀，幫佢打破9場入球荒。
艾納斯上場輸畀伊蒂哈德，沙迪奧文尼表現備受批評，今場贏波後C朗表示：「上半場踢得麻麻，不過下半場有明顯改善，呢個係(輸波後)應有反應，我哋要繼續合力爭取勝利。」
