東網電視
更多新聞短片
卡胡辛洛夫前途無限。(Getty Images)
曼城喺冬季轉會大事增兵，烏茲別克中堅卡胡辛洛夫就係其中之一，佢喺首演對車路士「輸到喊」，以為21歲嘅佢信心會被粉碎，勢估唔到卡胡辛洛夫愈踢愈好，更以「破紀錄」成績獲選為曼城2月最佳球員，認真抵讚！
卡胡辛洛夫喺2月份為曼城踢咗5場，喺歐聯附加賽客串右閘，凍結雲尼斯奧斯祖利亞更加係代表作，得以同艾寧夏蘭特、加華度爾候選曼城2月最佳球員，曼城周五(7日)更宣布卡胡辛洛夫成功當選，而且所得票數係「史上最高」，證明佢係眾望所歸。
曼城領隊哥迪奧拿日前表示，卡胡辛洛夫短時間內已深得隊友同球迷歡心：「佢係好可靠嘅人，速度快、傳球質素高，當然佢咁後生，仲有好多地方可以改善，但最重要係所有人都尊敬佢。卡胡辛洛夫會默默咁工作，永冇投訴，佢喺更衣室內人見人愛，我肯定球迷都會好愛佢。」
