東網電視
更多新聞短片
格連活特難在英格蘭立足。
因捲入家暴醜聞而被英格蘭球迷唾棄嘅格連活特，今季轉戰法甲表現出色，目前已有15個入波排法甲射手榜次席，一度有傳英格蘭新帥杜曹可能會畀佢「第2次機會」。不過英格蘭足總日前證實，格連活特已經決定加入牙買加，並且正式提出申請。
英格蘭足總行政總裁布寧咸表示：「以我所知格連活特已經正式申請轉籍，由於每個球員只可以選擇轉1次，所以佢唔會再代表英格蘭上陣，呢個係佢嘅個人決定。」格連活特代表過英格蘭各級梯隊，2020年喺歐國聯對冰島上陣，佢係唯一一次代表英格蘭大國腳出賽。
格連活特嘅爸爸喺牙買加出世，所以呢位馬賽前鋒有權代表牙買加出賽。
