東網電視
更多新聞短片
高普封殺坦哈格。(Getty Images)
RB萊比錫今夏確定換帥，馬高羅斯勢必離任，會方正物色新主帥，紅牛集團全球足球業務話事人高普負責把關，據報高普已經否決聘用坦哈格，認為佢唔適合執教RB萊比錫。
RB萊比錫喺歐聯聯賽階段極低分出局，現時德甲僅排第6，成績強差人意，今夏換帥事在必行，前曼聯主帥坦哈格被辭退後，早前游走於德甲同荷甲賽場，並一度進入RB萊比錫新帥候選名單，但立即被高普封殺。
高普同坦哈格近年喺英超多次交手，最轟烈一次係高普嘅利物浦7比0大炒坦哈格嘅曼聯，不過坦哈格亦喺足總盃贏過高普，算係互有勝負。
紅牛集團足球業務當中，RB萊比錫可以話係核心，高普作為話事人一定睇到實，今次選帥佢就將坦哈格踢走，理由係坦哈格唔適合隊波。
不過有分析指，坦哈格被踢走最主要原因，係佢喺曼聯洗腳唔抹腳，兩年半使咗曼聯6億鎊(約60億港元)，但簽入大部分都係水貨，仲疑似收回佣，高普擔心佢害完曼聯，又走嚟害RB萊比錫，先至第一時封殺。
