東網電視
更多新聞短片
奧比馬田(左)潛力優厚。(Getty Images)
曼聯將於周一(10日)凌晨英超主場對阿仙奴，紅魔鬼主帥魯賓艾摩廉透露，由於需要兼顧歐霸盃，今場可能輪換部分人腳，暗示今季由阿仙奴加盟嘅17歲前鋒奧比馬田有望上陣倒戈。
開波之前，魯賓艾摩廉話：「每位球員都有機會擔任正選，但要盡量派出冇受傷風險嘅球員，甚至新人上陣，只要有份參與周五(7日)操練嘅球員，今場都有機會踢，包括奧比馬田。」呢位丹麥小國腳冇註冊入歐霸盃名單，可以集中力量踢英超，被視為紅魔鬼「秘密武器」。
至於阿仙奴領隊阿迪達對於未能留住奧比馬田，感到無奈：「奧比轉投曼聯過程中，我並冇參與決策，當1位球員為咗更好前途選擇離隊，我哋可以做嘅事情並唔多。」奧比馬田今仗倒戈鬥兵工廠，會唔會成為主角，大家拭目以待。
