東網電視
更多新聞短片
穆罕默德沙拿2017年曾隨利物浦訪港。(Getty Images)
隨住利物浦歐聯出局，據報季尾會進行亞洲之旅，接近落實造訪香港及日本，並且會喺7月26日啟德體育園惡鬥AC米蘭。
如果屬實，將會喺利物浦2017年之後再次訪港，由於「紅軍」今季英超奪冠機會彌高，今次有可能帶埋英超奬盃訪港，勢必掀起哄動。至於AC米蘭則先於新加坡進行季前熱身賽，之後再來港重演2005及2007年歐聯決賽戲碼。
消息透露，唔單止利物浦，阿仙奴及熱刺亦選擇季前熱身賽，其中一站落戶香港，並於7月31日於啟德體育園爆發「北倫敦打吡」，不過一切仍然有待落實。
