東網電視
更多新聞短片
馬斯歷克被質疑係皇馬球迷。(Getty Images)
1/2
歐聯16強「馬德里打吡」出現爭議判決，祖利安艾華里斯主射12碼被指「雙重觸球」而作廢，直接導致馬德里體育會出局。波蘭球證馬斯歷克同VAR嘅罕見判決成為話題，有西班牙傳媒翻舊帳，發現馬斯歷克曾被見到用皇家馬德里產品，疑似係皇馬粉絲！
波蘭籍嘅馬斯歷克係歐洲頂級球證，2022年世界盃決賽亦係由佢執法，呢場決賽佢亦判咗3個12碼。有趣嘅係，皇馬上屆歐聯4強淘汰拜仁慕尼黑，馬斯歷克亦被轟「偏幫」皇馬，包括補時最後一刻，喺拜仁入波追平前突然「吹雞」完場，當時拜仁教練杜曹指馬斯歷克喺完場後向佢道歉。
德國傳媒當時更爆出，馬斯歷克喺更衣室內，有一個皇馬官方出品嘅手提包，因而被質疑係皇馬嘅球迷。今次皇馬再次喺馬斯歷克執法下得到幸運之神眷顧，自然被球迷大造文章。
馬斯歷克被發現用皇馬產品。
