東網電視
更多新聞短片
恩比錫克身高1米96，制空力強。(Getty Images)
1/2
德國國家隊主帥拿高斯文公布出戰下周歐國聯8強對意大利嘅大軍名單，國際米蘭中堅恩比錫克首次入選，成為隊內唯一意甲球員，拿高斯文似乎想「以意制意」，專登搵來恩比錫克為球隊提供意大利情報。
由於夏維斯、富克洛、科利安華迪斯受傷落選，德國今次大軍名單嘅中前場人腳比較單薄，只有3位前鋒安達夫、基連甸斯特、莊拿芬貝卡特，進攻上靠晒拜仁慕尼黑孖寶穆斯亞拿、利萊辛尼。
防線上有新臉孔恩比錫克，呢位24歲中堅2年前加盟國際米蘭，今季獲得重用，各項賽事上陣29場，並有1球進帳。恩比錫克身高1米96，制空力強，最重要係佢已經喺意甲搵食2年，非常熟悉意大利球員情況，可以為球隊提供軍情。
德國將於3月21日凌晨歐國聯8強首回合作客意大利，3日之後主場踢次回合。
德國大軍名單。
