東網電視
更多新聞短片
卡度素賽後對落敗感失望。（李浚湣攝）
傑志周六（15日）在旺角大球場出戰「中銀人壽香港超級聯賽」，最終1球不敵理文。賽後主教練卡度素直言對賽果感失望，承認要後上奪冠已非常困難，同時他又解釋道整場只換一名球員的原因。
傑志最終以1球不敵理文，主教練卡度素賽後受訪時難掩失望之情，認為球隊不值落敗：「今場踢落其實五五波，唔可以話對方踢得好啲，只係佢哋入到一球。我唔敢講係咪欠運，但我哋有好多黃金機會，可惜都擺唔到個波入網。」球隊近3場聯賽慘吞兩敗，目前踢多一場下，卻落後榜首大埔6分，卡度素亦承認爭標機會微：「當然我哋唔會放棄，但依刻要奪冠已經非常困難。」
「藍鳥」下半場即使落後，但一直未有換人加強攻力，而全場唯一一次調動，僅為29分鐘祖連奴受傷，由陳傲軒入替，卡度素解釋道：「我認為當時球場上嘅球員，好過喺後備席嘅，加上佢哋仲充滿體力，渴望贏波，睇唔出要再換人嘅原因。不過陳傲軒嘅表現令我驚喜，佢入替之後踢得好好！」
