東網電視
更多新聞短片
港超聯：冠忠南區 vs 標準流浪
【東網按次收費直播】
「中銀人壽香港超級聯賽」周日（16日）同時不同地上演兩場激戰，冠忠南區會坐鎮香港仔運動場迎戰標準流浪，兩隊為力爭上游，戰意十足。另一場榜首大戰，「1哥」大埔於大埔運動場，主場火併「2哥」東方，雙方賽前只差兩分，勝負直接影響爭冠主導權。（on.cc東網周日下午3時按次收費直播）
冠忠南區上周遭理文逼和，但表現並不失禮，領隊貝可泓（Calvin）稱球隊士氣有所提升，惟他坦言對今仗未感樂觀：「今季球隊面對同級對手，要破密集嗰陣做得唔太好，而流浪嘅劉智樂、伊巴謙同雷仙奴速度快，令反擊更加有威脅，令我哋好頭痛。」值得一提，Calvin指由於川瀨浩太刑滿復出，會考慮讓此前客串中堅的基斯，復任中場加強攔截力。
談到首循環作客流浪，憑艾華完場前建功才保住1分，川瀨浩太（Kota）指對方經季中引援後，戰力明顯增強，呼籲隊友謹慎應對：「流浪季中加咗比迪高同伊巴謙之後，創造力同速度好咗好多，所以大家要打醒十二分精神，每一球都拍得埋啲，唔好留太多空位畀佢哋。」
上仗主場以1比3不敵東方，領隊黃展鴻認為球隊攻守表現集中，但對手針對性的部署令球隊中後場受壓，今場會作改變，以便當對手施壓時伺機反擊：「面對東方嘅壓逼，球隊喺控球同組織進攻受到限制，導致防線縮得太後，所以我哋要針對南區戰術做調整，避免再次陷入被動，希望大家製造多啲空間去反擊，小心畀對方執到Second ball。」
後衞李泳豪就表示早前於「冠忠巴士60週年足總盃」淘汰理文後，球隊士氣高漲，今仗誓要全取3分：「之前贏到理文，球隊嘅信心提升咗唔少，亦證明我哋係有實力同強隊抗衡；南區嘅艾華同趙聡悟有速度、基本功紮實，今場做決策要更加快，一定要攞晒3分。」陣容方面，姚浩明累積5面黃牌，今場停賽。
【兩隊預計正選陣容】
冠忠南區
門將：1.伍瑋謙
後衞：14.宋柱浩 4.川瀨浩太 21.黃浩然
中場：2.陳潤潼 10.亞哥斯達 6.基斯 16.翟廷峯
前鋒：19.趙聡悟 9.基哥利 90.積遜
標準流浪
門將：1.盧兆崎
後衞：32.李泳豪 23.林堂真 45.安沙 4.梁煒烽
中場：12.李呈 70.比迪高 5.林遼太
前鋒：77.雷仙奴 40.伊巴謙 7.劉智樂
