東網電視
更多新聞短片
安東尼向比歷連尼面授機宜。(Getty Images)
今輪西甲，貝迪斯作客落後兩球劣勢下，以3比2反勝西維爾，安東尼馬菲奧斯雖未有入球及助攻，但佢上半場向貝迪斯老牌主帥比歷連尼「面授機宜」一幕，引起熱烈討論，認為佢不但場上有貢獻，臨場指揮都有料到。
自安東尼加盟後，貝迪斯11場比賽錄得7勝2和2負，聯賽升上第5，歐協聯打入8強，安東尼交出4入球4助攻展示身價，但估唔到佢完來臨場指揮都掂。
今輪作客西維爾絕對係硬仗，上半場被攻入兩球落後0比2，安東尼在場邊同主帥比歷連尼商討對策，但見安東尼掩咀指點江山，比歷連尼一副「虛心受教」模樣，引起熱烈討論，有人笑指：「安東尼化身戰術大師，場邊提點比歷連尼。」
這位巴西翼鋒早前表態，塞維利亞天氣比曼徹斯特和暖，十分享受當地生活，每天都帶着微笑起床，又帶着微笑入睡；據報不但貝迪斯希望買斷安東尼，皇家蘇斯達亦對佢有興趣，最新消息拜仁慕尼黑打算加入競爭。雖然按借用協議規定，今季借用期滿安東尼必須重返曼聯，但照目前情況推斷，存在頗多變數。
