東網電視
更多新聞短片
聖日耳門闢謠話冇斟VVD。
歐聯16強次回合利物浦對巴黎聖日耳門賽後，利物浦中堅華基爾雲迪積克同PSG主席艾卡理化等高層交談，此畫面引發無限猜想，PSG今夏免費簽VVD傳聞不脛而走，搞到PSG要出嚟闢謠否認。
巴黎聖日耳門新聞總監費雷表示：「唔知點解呢個畫面會喺社交網有咁大反應，雲迪積克同巴黎聖日耳門主席等高層交談，只係正常嘅友好對話，當中並無任何關於轉會討論，所有傳聞都係假嘅，艾卡理化主席對VVD表示崇高敬意。」
雖然未續約，雲迪積克表態自己仍然效忠利物浦：「最重要係保持忠誠，我仍然忠於利物浦，我並無其他計劃，會完全專注現時比賽，等到球季結束後，先會有新消息。」
