東網電視
更多新聞短片
利物浦睇中朗奴阿拿奧祖。(Getty Images)
利物浦同華基爾雲迪積克仍未續約，雖然VVD傾向留隊，但都唔會留得耐，長遠都要搵定接班人，據報「紅軍」睇中巴塞隆拿烏拉圭後衞朗奴阿拿奧祖，打算今夏斟介，轉會費為6,500萬歐元(約5.5億港元)。
意大利傳媒報道，朗奴阿拿奧祖今夏解約金為6,500萬歐元，吸引多隊注視，其中祖雲達斯及費倫天拿最積極，但相信如果利物浦加入戰團，將係最有機會勝出嘅一隊。
利物浦每年都要應付4條戰線，就算VVD續約，後防確實有增兵需要，26歲嘅朗奴阿拿奧祖成為「紅軍」目標之一，將派員對此子進行觀察，而即將奪得英超冠軍嘅利物浦，對任何球員都有吸引力。
