東網電視
更多新聞短片
基比斯韋特同女友向囝囝報喜。
英格蘭中場基比斯韋特今季表現大熟大勇，幫諾定咸森林殺上英超第3位，日前獲補選入英格蘭國家隊後，周三(19日)又同索爆女友Britney De Villiers報喜，宣布兩隊第2個愛情結晶即將出世，堪稱人生贏家。
25歲嘅基比斯韋特最初未有入圍杜曹首份英格蘭名單，不過高爾彭馬受傷退隊，呢位森林中場就獲得補選，佢同名模兼KOL女友Britney周三喺社交網上載影片，兩人向囝囝Graysen展示超聲波相片，宣布「細佬」即將誕生，非常Sweet。
基比斯韋特亦透露收到杜曹電話嘅情況：「杜曹打畀我，問我係咪仲為冇入選大軍嬲緊，又問我想唔想聽日入營一齊練習。我當然冇問題，而且非常開心，最初的確係有啲失望，但我再睇下入選球員嘅質素，就只能尊重杜曹嘅決定。」
