東網電視
更多新聞短片
查頓辛祖被車路士退貨。(Getty Images)
車路士翼鋒查頓辛祖近期愈踢愈沉，已經連續12場交白卷，出場順序跌至R3（第三後備），據報「藍戰士」決定止蝕，放棄向曼聯買斷該球員，打算違約將佢退返畀曼聯，寧願賠償1,000萬鎊違約金。(約1億港元)
查頓辛祖去年夏天由曼聯外借至車路士，雙方協議車路士聯賽排名14位以上，就要強制買斷查頓辛祖，目前車路士排第4，勢必觸發買斷條款，轉會費亦按排名達到上限嘅2,500萬鎊(約2.5億港元)。
踏入2025年查頓辛祖表現大跌，車路士見佢踢成咁，已決定放棄買斷，英國傳媒報道，原來當日雙方協議仲有一項細則，就係車路士假如違約唔買斷查頓辛祖，就要向曼聯賠償1,000萬鎊。
車路士計過條數，都係寧願畀違約金，都唔想簽個廢人返嚟，所以將會向曼聯支付違約金，將查頓辛祖退返畀曼聯。
查頓辛祖同曼聯合約至2026年夏天，曼聯收回查頓辛祖後如果未能即時將佢出售，查頓辛祖極可能喺曼聯坐足一季到約滿，到時魯賓艾摩廉有排頭痛。
