東網電視
更多新聞短片
曼聯想用海倫加現金換奧森漢。(Getty Images)
曼聯今夏要搵個強力中鋒，拿玻里嘅域陀奧森漢係主要目標，但又衰孤寒，據報「紅魔鬼」打算用丹麥前鋒海倫再加2,500萬歐元現金(約2.1億港元)作交易，分析指拿玻里唔可能答應。
英國傳媒報道，域陀奧森漢屬於意甲金靴級別前鋒，今季外借到加拉塔沙雷仍交出30場25球5助攻出色數據，同拿玻里嘅解約金高達7,500萬歐元(約6.35億港元)，而且不可能減價。
至於曼聯，打算用海倫加2,500萬歐元交易，擺明係搵笨，因為海倫今季英超僅入3球，身價唔可能值5,000萬歐元，如果佢哋想完成交易，必須再提高現金報價，另外仲要睇干地意願，干地想唔想要海倫亦係問題。
