東網電視
更多新聞短片
泰拔高圖爾斯回歸未能幫助球隊打破頹勢。
周五(21日)凌晨歐國聯升降班附加賽，比利時雖然有新帥上場兼泰拔高圖爾斯復出，但頹勢仍然未止，首回合「作客」1比3輸畀烏克蘭，錄得4連敗走勢。
今場比賽喺西班牙舉行，泰拔高圖爾斯相隔2年再為比利時披甲，賽前「逼走」卡斯迪爾斯更引起爭議，可惜泰拔高圖爾斯回歸未能振興球隊，雖然盧卡古上半場入波為比利時領先，但烏克蘭下半場連轟3球，令比利時新領隊魯迪加西亞首演輸波。
泰拔高圖爾斯賽後表示：「我哋有新領隊，好多時都要時間熟習佢嘅諗法，我哋睇咗好多影片同做咗好多訓練，但有時練波並唔足夠。我哋要保持冷靜，有時輸波可以打醒球員，次回合我哋要喺主場踢出好波畀球迷睇。」
