賽馬會菁英盃　Ａ組煞科戰！大埔求反彈撲擊港會

【東網按次收費直播】<br/><br/>https://tv.on.cc/oncchkpl/index_tc.html　<br/><br/>適逢國際賽期，「賽馬會菁英盃」今日於小西灣運動場，以「雙料娛樂」形式上演A組最後兩場分組賽。頭場篤定出局的港會，面對已提早出線的大埔（on.cc東網周六下午3時按次收費直播），且看會否有意外賽果；尾場出線生死戰，次席東方硬撼第4位的傑志，雙方賽前僅差2分，後者贏波即可反壓對手出線，必定打甩髀！（on.cc東網周六晚上6時按次收費直播）<br/><br/>大埔上場聯賽主場不敵東方，頓失榜首優勢，主教練李志堅坦言有少許不開心，但認為兩隊目前僅差距1分，相信球隊仍有機會奪冠。今日轉戰「賽馬會菁英盃」，「堅Sir」指在篤定出線下，會讓個別主力休息，以留力聯賽及「足總盃」：「坦白講成個球季暫時得呢場波，係唔影響任何爭標形勢，同時冇法子預測B組排名，所以會諗住輪換。」<br/><br/>堅Sir：例行公事都想贏<br/>惟「堅Sir」強調即使賽果無關痛癢，仍會盡力爭取贏波：「踢波永遠唔會想輸，希望後備球員落到場證明自己，贏到波對士氣都有幫助。」陣容方面，隊長加比爾累積5黃停賽，正隨大港腳和U22出外比賽的謝家榮、陳肇鈞、尼高拉斯及李樂謙同時缺陣，另外小將宋紘毅及馬卡雷拿上陣成疑。<br/><br/>至於出線無望的港會，主教練谷卓斯盼望球員為自己而戰：「今場會派啲平時比較少落場嘅球員出嚟，希望佢哋畀心機，證明自己有能力留隊。」谷卓斯指由於林澔希和曾俊軒隨港隊U22友賽緬甸，未能候命，坦言今仗困難重重：「雖然大埔有多位主力缺陣，但佢哋陣容夠深度，畀到我哋好大壓力。」<br/><br/>里奧：珍惜每次反擊機會<br/>前鋒里奧形容大埔防線穩健，盼隊友珍惜每次反擊機會：「大埔中後場好硬淨，高波好難頂贏佢哋，不過我哋班仔勝在夠活力，加上小西灣場比較大，啱晒打反擊，做得好啲都有權偷雞。」<br/><br/>【兩隊預計正選陣容】<br/>港會 <br/>95李溢晉<br/>18積施利 26羅素 5斯特芬 22比提<br/>99陳浩嘉 4唐道碧 10薩拉沙<br/>24李宗恒 9里奧 20黃琛喆<br/><br/>大埔<br/>1戴廷匡<br/>17郭縉諾 26李家豪 15杜國榆 99鄭子森<br/>8柏連尼 20帕特華維迪 5峇夏比<br/>22宏愷志 10奇雲巴迪 80鍾偉強<br/>