東網電視
更多新聞短片
白禮頓官方宣布，簽入南韓18歲天才翼鋒尹棹泳，合約至2030年，據報尹棹泳7月加盟白禮頓後，新球季唔會立即上陣，而會外借到其他聯賽磨鍊，就如早年加盟嘅三笘薰一樣。
白禮頓在官網發公告宣布簽入尹棹泳，表示尹棹泳為大田市民比賽至6月尾，7月初就會向白禮頓報到，發言人指出：「尹棹泳是亞洲最出色嘅年輕天才之一，好高興佢選擇成為白禮頓一員，來季會為佢安排一支適合外借球隊。」
尹棹泳去年5月征戰韓職，為大田市民上陣22場聯賽，交出1入球3助攻，早前U20亞洲盃打入4強，交出1入球1助攻。
早前多達4支英超球隊垂青尹棹泳，除白禮頓外，仲有阿士東維拉、車路士及狼隊都對佢有興趣，結果尹棹泳揀咗白禮頓。白禮頓近年發掘唔少優質球員，早前發掘咗日本翼鋒三笘薰，最初都外借去其他聯賽磨鍊，之後先返英超，依家睇嚟尹棹泳會行返呢條路。
