東網電視
更多新聞短片
基艾沙真係慘。(Getty Images)
費達歷高基艾沙係利物浦今季僅有嘅新兵，但加盟後唔係受傷缺陣就係長坐冷板，據報並非基艾沙太屎波，背後原因係利物浦管理層刻意控制佢嘅上陣時間，以免佢上陣「超時」觸發合約條款，要向祖雲達斯支付額外轉會費。
英國一位討論轉會消息網紅表示，佢話從利物浦某位高層中得知，原來基艾沙甚少上陣，係因為同當日利物浦同祖雲達斯嘅轉會合約有關。當日雙方協議中，如果基艾沙達到一定上陣場次，利物浦就要向祖雲達斯支付額外轉會費，所以一直限制住佢嘅上陣時間。
利物浦去年夏天由祖雲達斯簽入基艾沙，轉會費1,000萬鎊，至今僅上陣11場，交出2球2助攻，包括上場英聯盃決賽對紐卡素補時攻入破蛋入球，基艾沙門前把握力唔係差，可惜遇到班縮骨管理層，先至無從發揮。
