東網電視
更多新聞短片
西維爾睇中梅迪歷。(Getty Images)
安東尼馬菲奧斯今個冬季轉會窗外借到貝迪斯表現生猛，同市球會西維爾得到啟發，佢哋睇中車路士烏克蘭前鋒梅迪歷，如果梅迪歷禁藥B樣本過到骨解禁，想簽佢過檔西甲發展。
西班牙傳媒報道，西維爾認為，安東尼喺曼聯踢唔出水準，可能只係佢唔適合英超，並非代表佢屎波，梅迪歷亦一樣，佢喺車路士表現一般，依家仲搞到因使用禁藥停賽，如果停賽令解除，西維爾都想學貝迪斯，簽入梅迪歷試吓。
24歲嘅梅迪歷因使用禁藥，現時處於停賽階段，為期4年，不過佢B樣本檢測未有結果，一旦畀佢翻案獲判無罪，但喺車路士冇得上陣，西維爾就打算仿傚貝迪斯做法，向車路士提出借用。
