東網電視
更多新聞短片
艾利臣比加上場世盃外同對手相撞受傷。(Getty Images)
利物浦門將艾利臣比加上周五(21日)早上世界盃外圍賽為巴西出戰哥倫比亞，因為同對手相撞受傷，提早退隊，無緣嚟緊周三(26日)早上對阿根廷。幸好呢位32歲鋼門已無大礙，根據「轉會權威」記者羅曼諾(Fabrizio Romano)爆料，艾利臣比加可於國際賽後復出，意味能夠上陣踢4月3日凌晨英超「默西賽德郡打吡」主場對愛華頓。
艾利臣比加上場世盃外踢到75分鐘，出迎撲救時同對手達雲臣山齊士頭撞頭，結果兩敗俱傷，退下火線。由於艾利臣比加可能有腦震盪問題，巴西足總批准佢提早離隊，返回利物浦休息。
經過檢查之後，艾利臣比加嘅傷勢已經冇大礙，加上利物浦要等到4月3日凌晨先至有比賽，相信呢位鋼門屆時可以復出把關。
