東網電視
更多新聞短片
海倫首回合一箭定江山。
丹麥日前喺歐國聯8強首回合擊敗葡萄牙，入球功臣海倫「大膽」喺C朗拿度面前，做出對方招牌「Siu」慶祝動作，被認為有挑釁身份。不過C朗喺次回合前回應，表示有人抄襲佢個慶祝係好事，更揚言次回合要喺海倫面前慶祝番一次！
C朗表示：「我覺得冇問題，我知道佢咁做唔係唔尊重我，世界上唔止佢一個做呢個慶祝。對我嚟講，有人做呢個慶祝動作係種榮譽，我希望次回合可以喺海倫面對做番(呢個慶祝)，一定會好正，好開心佢鍾意呢個慶祝方式。」
效力曼聯嘅海倫喺賽後已經解釋，話自己視C朗為偶像，做「Siu」慶祝動作只係喺C朗面前向佢「致敬」。
