東網電視
更多新聞短片
巴西今場輸得羞家。
巴西對阿根廷係球壇死敵，日前世盃外交鋒前，巴西球星拉芬夏比洛尼口出狂言，爆晒粗咁話贏硬阿根廷兼會入波，結果就被阿根廷4比1打爆。阿根廷球星賽後大反擊，為拉芬夏「默哀1分鐘」，連美斯亦罕見出嚟抽水反擊。
話說巴西對阿根廷前，拉芬夏接受名宿羅馬里奧訪問，期間拉芬夏表示：「我哋贏硬阿根廷，球場內外都會。」羅馬里奧問佢會唔會入波，呢位巴塞隆拿翼鋒就話：「一定會，寫包單。」最後再同羅馬里奧一齊爆粗話「打X死佢哋！」
可惜比賽過程不似預期，巴西被打到無力還手，安素費南迪斯、奧達文迪比賽期間都示意拉芬夏「收嗲」，完場後慶祝影片所見，迪保羅等多位阿根廷國腳，同球迷一齊叫「為拉芬夏默哀1分鐘，佢今日過咗身。」連受傷退隊嘅美斯賽後亦抽水留言：「我哋阿根廷習慣用足球說話。」
