東網電視
更多新聞短片
艾方素戴維斯面臨數個月養傷期。
拜仁慕尼黑爭逐德甲同歐聯受到重大打擊，艾方素戴維斯日前代表加拿大踢中北美洲國家聯賽季軍戰受傷，經檢查後證實右膝十字韌帶撕裂，將要長抖「幾個月」，今季提早收咧。
加拿大今次國際賽期踢2場，先喺中北美洲國家聯賽4強輸畀墨西哥，之後喺季軍戰贏美國，艾方素戴維斯就喺季軍戰12分鐘傷出，而佢嘅經理人侯斯就發聲明炮轟加拿大足總同領隊。
侯斯表示：「戴維斯喺對墨西哥後已經唔係100%，原本計劃佢唔會正選上陣，但我覺得喺領隊(馬殊)嘅壓力下，作為隊長嘅戴維斯被逼上陣。戴維斯唔係嗰啲會喺呢種情況下拒絕上陣嘅人，結果係點大家都睇到，加拿大要更加好咁照顧佢哋嘅球員。」
