東網電視
更多新聞短片
紐卡素想簽昆沙。(Getty Images)
利物浦英超奪冠在望，但之後面臨星散，除咗3大主力約滿外，新晉中堅查洛爾昆沙都受紐卡素垂青，據報「喜鵲」已將該球員列入收購名單，目標為3,000萬鎊(約3億港元)。
昆沙係利物浦前主帥高普執教最後一年提拔上一隊嘅新星，首季有唔少上陣機會，出場33次入3球，但新主帥施洛接手後上陣機會大減，僅出場22次無入球，其合約簽到2029年完結。
英國傳媒報道，紐卡素奪得英聯盃後，新球季希望更上一層樓，其實該隊早就睇中昆沙，去年夏天更準備一筆5,000萬鎊資金求購，但利物浦一直唔願出售，昆沙今季長居後備，紐卡素又將昆沙列入收購名單，並準備以3,000萬鎊另加附加條條求購。
昆沙司職中堅，亦可擔任右閘，是紐卡素適合類型，不過紐卡素出價3,000萬鎊可能較低，當同利物浦正式談判，轉會費可能會調高。
