東網電視
更多新聞短片
波圖為迪亞斯賠償八舊水。(Getty Images)
利物浦翼鋒路易斯迪亞斯正為自己人工太低，向會方爭取加薪之際，佢之前波圖轉會官司亦告一段落，結果波圖要向哥倫比亞球隊青年體育會賠償103歐元(約860港元)，可以話係球壇史上最無謂官司。
官司起因係2022年1月迪亞斯由波圖轉投利物浦而起，當時轉會費總值6,000萬歐元，青年體育會可獲分帳，但佢哋認為分得太少，搞到對薄公堂。
波圖同青年體育會喺洛桑國際體育仲裁法庭打官司，結果法庭判決，波圖要向青年體育會繳付差額，合共103歐元。
法庭判決指出，利物浦簽入路易斯迪亞斯交易中，波圖要向青年體育會支付102萬歐元，原來波圖已經畀咗101萬9,897歐元，所以只要補番103歐元差額就得。
