東網電視
更多新聞短片
阿密特迪亞路2月操練期間整傷足踝。(Getty Images)
今季表現大勇嘅曼聯翼鋒阿密特迪亞路2月操練期間，不幸整傷足踝，一度傳出可能緣盡今季餘下賽事。根據「轉會權威」記者羅曼諾(Fabrizio Romano)最新消息，呢位22歲科特迪瓦國腳康復進度比預期快，有望5月復出。
據悉阿密特迪亞路經過治療及休息後，曼聯軍醫團隊發現呢位新星康復速度快過預期，為佢安全着想，仍然要小心觀察，唔會冒險畀呢位天才翼鋒提早復出比賽，以目前情況睇，阿密特迪亞路可能5月復出。
曼聯5月仲有3場英超，分別對賓福特、韋斯咸、車路士，另外曼聯已打入歐霸盃8強，至於4強及決賽安排5月舉行，如果紅魔鬼能夠殺入決賽，意味5月仲要踢3場歐霸盃，一旦阿密特迪亞路可以5月復出，有助球隊爭標。
