東網電視
更多新聞短片
艾斯高同安東尼合作無間。(Getty Images)
周一(31日)凌晨西甲，近況大勇嘅貝迪斯主場2比1擊敗西維爾，喺西甲豪取6連勝，冬季轉會窗加盟嘅安東尼馬菲奧斯「好腳頭」，難怪主將艾斯高賽後表示要發起眾籌行動，勢要挽留該巴西借將。
貝迪斯上半季只排中游，但自2月向曼聯借用安東尼後，球隊表現直線上升，今場憑莊尼卡度素同古曹靴南迪斯入波，2比1擊敗西維爾，球會史上第4次錄得西甲6連勝，而對上一次做到已經係17/18球季。
今仗獲選為最佳球員嘅艾斯高，賽後提到安東尼嘅影響力，佢就話：「我哋依家要搞眾籌，確保安東尼繼續留喺貝迪斯！」安東尼加盟貝迪斯後，各項賽事踢12場，交出4個入波同4次助攻。
貝迪斯依家升上西甲第6位，同前4位置只差6分，有機會挑戰歐聯席位，不過艾斯高今場累積第5面黃牌，下輪作客巴塞隆拿嘅大戰將要坐波監。
