東網電視
更多新聞短片
艾寧夏蘭特左腳足踝受傷。(Getty Images)
曼城前鋒艾寧夏蘭特喺英足盃整傷左腳足踝之後，幾時可以復出備受關注，領隊哥迪奧拿出席記者會透露，呢位挪威國腳將休息5至7星期，專注準備6月中展開嘅世冠盃，意味今季英超及英足盃都唔使預佢。
曼城將於周四(3日)凌晨英超主場對李斯特城，哥迪奧拿喺賽前記者會上話：「醫生同我講，夏蘭特需要休息5至7星期，所以希望佢為世冠盃做好準備，球隊今季不斷遭傷兵問題打擊，為夏蘭特感到遺憾，希望佢盡快康復歸隊。」艾寧夏蘭特早前飛赴西班牙巴塞隆拿，接受傷勢評估，佢落車行入醫院，需要用拐杖。
艾寧夏蘭特今季英超入21球，落後穆罕默德沙拿6球，意味無法完成神射手「三連霸」。
