東網電視
更多新聞短片
伊巴基莫夫潛質優厚。
曼聯宣布同17歲青年軍前鋒伊巴基莫夫簽職業合約，呢位俄羅斯裔小將被指踢法似前阿仙奴射手艾沙維，被視為紅魔鬼未來鋒線希望。
伊巴基莫夫2008年4月喺俄羅斯出世，11歲時候同家人移居英國，所以佢可以選擇代表俄羅斯或者英格蘭國家隊，最終選擇後者，已經為英格蘭U15及U16上陣。佢同曼聯簽職業合約後話：「好開心簽第一份職業合約，一切都唔會改變，仍然需要努力比賽。」
身高1米73嘅伊巴基莫夫身型同踢法都似曾於2009至13年效力阿仙奴嘅俄羅斯名將艾沙維，佢早前獲提拔上陣曼聯U21比賽，可見實力勝同年齡球員，潛質非常優厚，難怪曼聯迅速開出職業合約綁實佢。
