東網電視
更多新聞短片
盧連比目魚肌肉受傷。(Getty Images)
皇馬正選泰拔高圖爾斯養傷之下，副選門將盧連上場西班牙盃4強次回合對皇家蘇斯達，擔正上陣亦不幸受傷，估計需要休息4星期，意味周六(5日)晚西甲主場對華倫西亞，可能要由年僅19歲嘅3號門將法蘭干沙利斯把關。
根據「轉會權威」記者羅曼諾(Fabrizio Romano)爆料，盧連上仗踢到50分鐘受傷，但仍然頂足120分鐘，協助球隊晉級決賽。據悉呢位26歲烏克蘭國腳比目魚肌肉受傷，可能要抖4星期，由於3號門將法蘭干沙利斯係青年軍球員，並冇一隊比賽經驗，皇馬方面考慮為盧連打止痛針，出戰下場西甲對華倫西亞，此舉可能令佢傷勢惡化。
皇馬教練安察洛堤現時只能求神拜佛，希望泰拔高圖爾斯能夠趕及復出，踢下周三(9日)凌晨歐聯8強首回合作客阿仙奴，否則屆時防線將面臨重大危機。
